Fyrsti heimaleikurinn. Það er barasta komið að því.  Á morgun mætum við litla liðinu úr neðra Breiðholti. ÍB kemur í heimsókn á Tangann.  Þar er lið sem hefur unnið 3 leiki og tapað einum í deildinni.  Þeir unnu bæði liðin sem við höfum mætt, KV og Aftureldingu, sem og Stál-Úlf.  Þeir hinsvegar rétt töpuðu fyrir toppliði Reynis frá Sandgerði.

Það er því ljóst að hér er um að ræða nokkuð gott lið, enda körfuboltahefð í Breiðholtinu.  Þeir eiga samt eftir að koma norður og sú ferð er ekki fyrirfram gefins.

Liðið er svipað og í síðasta leik, en þó er smá breyting. Björn bróðir og Eyfi Unnars detta út, en í stað þeirra koma inn Mikki úr Kraftsmiðjunni og Hlynur Rikk.

Óstaðfestar fréttir herma að mikil reynsla mæti á bekkinn í formi Mása og Gumma á Ósi.  Stemmningin ætti að verða góð í þessum fyrsta heimaleik, áfram Kormákur!